28 қыркүйекте Қазақстан Республикасы Төтенше жағдайлар министрлігі Мемлекеттік материалдық резервтер комитеті мен «Резерв» республикалық мемлекеттік кәсіпорнының ұжымы «Таза Қазақстан» республикалық акциясына белсенді қатысты. Бұл бастама Қазақстан Республикасы Президенті мен Төтенше жағдайлар министрінің экологиялық бастамаларын қолдау мақсатында өткізілді.

Акция аясында «Резерв» РМК қызметкерлері, сондай-ақ филиалдар 356 ағаш отырғызып, экологиялық жағдайларын жақсарту және елдің табиғатын сақтауға маңызды үлес қосты. Акция азаматтарды қоршаған ортаға ұқыпты қарауға тәрбиелеу және Қазақстанның тұрақты даму идеясын ілгерілетуге бағытталған.

Ағаш отырғызу-бұл символдық қимыл ғана емес, сонымен қатар біздің ұрпақтарымыздың болашағына нақты үлес. Жасыл кеңістіктер ауаның сапасын жақсартуға, топырақты нығайтуға және өмір сүруге қолайлы жағдай жасауға көмектеседі. «Таза Қазақстан» акциясына қатысу Комитет пен оның қызметкерлерінің қоршаған ортаны қорғау және орнықты даму идеяларына бейілділігін көрсетіп, еліміздің табиғи ресурстарын болашақ ұрпақ үшін сақтаудың маңыздылығын атап өтті.

Мемлекеттік материалдық резервтер жөніндегі Комитет пен «Резерв» РМК Қазақстандағы экологиялық жағдайды жақсартуға бағытталған осындай бастамаларды одан әрі қолдауға ниетті.

БЕЙНЕ КӨРУ