Категория: Жаңалықтар

Опубликовано: 15 Декабрь 2023

Обновлено: 20 Декабрь 2023

Создано: 15 Декабрь 2023

Просмотров: 509

 15 желтоқсанда "Резерв" РМК ғимаратында Мемлекеттік материалдық резервтер комитетінің мемлекеттік қызметшілері мен "Резерв" РМК жұмыскерлерінің қатысуымен Қазақстан Республикасының Тәуелсіздік күніне арналған салтанатты іс-шара өткізілді. Комитет төрағасы Салтанат Сабырбаева мен "Резерв" РМК Бас директоры Ришат Асансеитов құттықтау сөз сөйледі.

Марапаттау рәсімінде Р. М. Асансеитов өз атынан Кәсіпорын жұмыскерлеріне мереке қарсаңында өткізілген үстел теннисі мен волейболдан турнир жеңімпаздарына Грамоталар мен Дипломдарды табыстады. Жалпы, ҚР ТЖ министрінің ведомстволық наградаларымен Кәсіпорынның орталық аппараты мен филиалдарының 9 жұмыскері марапатталды.

Аталмыш іс-шарада тәуелсіздік жолының басталуы, қайғылы салдарлар, 1986 жылғы желтоқсан оқиғаларының құрбандары туралы тақырыптық бейнеролик көрсетілді. Сондай-ақ, "Керім" және "Ұлы Дала" топтарының қатысуымен мерекелік концерт ұйымдастырылды.

"Резерв" РМК-ның 10 филиалында да Қазақстан Республикасының Тәуелсіздік күніне арналған спорттық жарыстар өткізілді.

Категория: Жаңалықтар

Опубликовано: 09 Декабрь 2023

Обновлено: 11 Декабрь 2023

Создано: 09 Декабрь 2023

Просмотров: 505

Қазақстан Республикасының Президенті Қасым-Жомарт Тоқаевтың тапсырмасына сәйкес Палестина халқын қолдауға гуманитарлық көмек жіберілді.
Мемлекеттік материалдық резервтен азық-түлік және төсек-орын жабдықтары түріндегі гуманитарлық жүк, сондай-ақ «СК-Фармация» ЖШС дәрілік заттары мен медициналық бұйымдары жүк ұшағымен жіберілді.
Тізбеде барлығы 14 тауар түрі бар. Жүктің жалпы көлемі 38 тоннадан асады.
Гуманитарлық жүкті тиеуді ТЖМ 28237 әскери бөлімінің күштері жүзеге асырды.
Жүк «Қызыл Жарты Ай» қоғамының өкілдеріне берілетін болады.

Категория: Жаңалықтар

Опубликовано: 13 Ноябрь 2023

Обновлено: 14 Ноябрь 2023

Создано: 13 Ноябрь 2023

Просмотров: 550

2023 жылдың 13 қарашасында Қазақстан Республикасының Төтенше жағдайлар министрі Сырым Шәріпханов Мемлекеттік материалдық резервтер комитетіне барды.
Кездесу барысында Комитет төрағасы Салтанат Сабырбаева министрге комитеттің және «Резерв» РМК басшылығының жеке құрамын таныстырды.
Комитет төрағасының орынбасары Дәулет Сұлтанов Комитет қызметінің нәтижелері туралы баяндап, Комитетті дамытудың және мемлекеттік материалдық резерв саласындағы заңнамалық актілерді жетілдірудің алдағы жоспарлары туралы айтты. Сонымен қатар, мемлекеттік және жұмылдыру резерві мәселелері жөніндегі басқармалардың басшылары Әсет Кокушев пен Асқар Маутанов баяндама жасады.
«Резерв» РМК қызметі туралы Кәсіпорынның бас директоры Ришат Асансеитов баяндады. Сондай-ақ, оның орынбасарлары мен «Резерв» РМК филиалдарының директорлары тыңдалды.
Министр Комитет басшылығы мен «Резерв» РМК алдына бірқатар міндеттер қойып, жұмыста табыс және алға қойылған мақсаттарды іске асыруды тіледі.

Категория: Жаңалықтар

Опубликовано: 03 Ноябрь 2023

Обновлено: 03 Ноябрь 2023

Создано: 03 Ноябрь 2023

Просмотров: 490

Ағымдағы жылдың 2 қарашасында Қазақстан Республикасының Төтенше жағдайлар вице-министрі Мереке Пішембаев жұмыс сапарымен Шымкент қаласына келді. ТЖМ аумақтық және ведомстволық бағынысты бөлімшелеріне, оның ішінде «Резерв» РМК филиалына барып, осы ұйымдардың басшыларын тыңдап, Министрлік алдына қойған негізгі мақсаттар мен міндеттерді жеке құрамға жеткізді.
Сапар барысында «Заря» филиалының өндірістік-шаруашылық қызметімен, негізгі қорлардың (қоймалар, резервуарлар және т.б.) ағымдағы жағдайымен танысты, резервуарларды күрделі жөндеу жұмыстарының барысын тексерді.
Вице-министр мемлекеттік материалдық резерв тауарларының сақталуын, өрт қауіпсіздігін, «Заря» филиалына күрделі жөндеуге бөлінген қаражатты уақтылы және тиімді игеру қажеттілігін қамтамасыз ету бойынша міндеттер қойды.
3 қарашада осы сапар барысында Шымкент қаласының басшылығымен кездесуде Пішембаев М.Қ. Комитет пен «Резерв» РМК үшін маңызды мәселе болып табылатын мемлекеттік материалдық резерв жаңа базасының инфрақұрылымы үшін жер учаскелері мәселесін шешуді жеделдетуге жәрдем көрсетуді сұрады.

Категория: Жаңалықтар

Опубликовано: 27 Октябрь 2023

Обновлено: 27 Октябрь 2023

Создано: 27 Октябрь 2023

Просмотров: 523

2023 жылғы 27 қазанда «Резерв» РМК Бас директорының бұйрығымен Сағынай Тіленұлы Талқанов ҚР ТЖМ ММРК «Резерв» РМК «Целина» филиалының директоры болып тағайындалды.
Филиал директорын жеке құрамға «Резерв» РМК Бас директорының орынбасары Мұхит Жақсылықұлы Түменбаев таныстырды.
С.Т. Талқанов 1975 жылы 14 қарашада Қостанай облысында дүниеге келген. 1998 жылы Ы. Алтынсарин атындағы Арқалық педагогикалық институтын бітірді, 2003 жылы Қазтұтынуодағы Қарағанды экономикалық университетін «экономика саласындағы құқықтық реттеу» мамандығы бойынша бітірді, біліктілігі - «заңгер».
Еңбек жолын 2000 жылы Қостанай облысының ІІБ учаскелік инспекторы болып бастады. 2002 жылдан 2010 жылға дейін мемлекеттік сот орындаушысы ретінде жұмысын жалғастырды, 2011 жылдан 2023 жылдың қазан айына дейін Қостанай облысының жеке сот орындаушысы болып жұмыс істеді.
М.Ж. Түменбаев қызметтік сапар аясында «Целина» филиалының жұмыскерлерімен сыбайлас жемқорлыққа қарсы саясат бойынша түсіндірме әңгіме өткізді. С.Т. Талқановқа алдағы жұмыстарына табыс тілеп, оның алдында тұрған негізгі міндеттерді белгіледі.

Категория: Жаңалықтар

Опубликовано: 24 Октябрь 2023

Обновлено: 24 Октябрь 2023

Создано: 24 Октябрь 2023

Просмотров: 528

25 қазан – Қазақстан тарихындағы маңызды күндердің бірі. Дәл осы күні 1990 жылы Қазақ КСР-нің Мемлекеттік егемендігі туралы Декларация қабылданды және бұл елдің тәуелсіздік жолындағы алғашқы қадамы болды.
Декларация Қазақ КСР-нің егемендігін жариялады және Қазақстанның тәуелсіз мемлекет ретіндегі саяси-құқықтық негіздерін айқындады. Онда алғаш рет аумақтың тұтастығы, бөлінбейтіндігі мен қол сұғылмаушылығы, халықтар мәдениеті мен олардың тілдерін дамыту, ұлттық бірегейлікті нығайту сияқты мемлекеттілік қағидаттары бекітілді.
Өткен жылдан бастап 25 Қазан – Республика күні еліміздің жалғыз ұлттық мерекесі болды.
2023 жылғы 24 қазанда Комитетте Республика күнін мерекелеуге арналған салтанатты іс-шара өткізілді.
Комитет төрағасы Салтанат Сабырбаева құттықтау сөз сөйлеп, Комитет, «Резерв» РМК, сондай-ақ оның филиалдарының қызметкерлеріне ҚР ТЖМ ведомстволық наградаларын табыстады. «Резерв» РМК Бас директоры Ришат Асансеитов те ұжымды құттықтап, өз атынан Кәсіпорын жұмыскерлеріне алғыс хаттар табыстады.
Іс-шараға қатысушыларға мереке тарихы туралы деректі бейнеролик көрсетілді және концерттік бағдарлама ұйымдастырылды.

Категория: Жаңалықтар

Опубликовано: 21 Октябрь 2023

Обновлено: 11 Декабрь 2023

Создано: 21 Октябрь 2023

Просмотров: 471

Категория: Жаңалықтар

Опубликовано: 11 Октябрь 2023

Обновлено: 12 Октябрь 2023

Создано: 11 Октябрь 2023

Просмотров: 504

Қазақстан Президенті Қасым-Жомарт Тоқаевтың тапсырмасына сәйкес Ауғанстанға жойқын жер сілкінісінің салдарын жою бойынша қолдау көрсету үшін мемлекеттік материалдық резервтен азық-түлік, шатырлар, киім-кешек және төсек-орын жабдықтары бөлінді. Жөнелтілетін гуманитарлық жүктің тізбесінде барлығы 1659 тонна көлемінде 13 түрлі тауар бар.
Бұдан басқа, «СК Фармация» ЖШС Ауғанстанға жөнелту үшін дәрі-дәрмектер бөлді.
Дәрі-дәрмектер мен шатырлар Ұлттық ұланның ұшағымен жіберілді, оларды адресаттар бүгін алады.
Қалған гуманитарлық көмекті жеткізу теміржол көлігімен жүзеге асырылады.
Бір күн бұрын Герат провинциясына іздеу-құтқару жұмыстарын жүргізу үшін ТЖМ-нің 45 қызметкері жіберілді.

Категория: Жаңалықтар

Опубликовано: 29 Сентябрь 2023

Обновлено: 29 Сентябрь 2023

Создано: 29 Сентябрь 2023

Просмотров: 497

2023 жылғы 28 қыркүйекте «Сыбайлас жемқорлыққа қарсы іс-қимыл жөніндегі заңнамадағы өзгерістер, «парасаттылықты тексеру» әдісі» тақырыбында Қазақстан Республикасы Сыбайлас жемқорлыққа қарсы іс-қимыл агенттігінің превенция қызметінің аса маңызды істер жөніндегі офицері Ж.Ж. Жылқышиеваның және «AMANAT» партиясының Астана қалалық филиалы жанындағы сыбайлас жемқорлыққа қарсы іс-қимыл жөніндегі Қоғамдық кеңестің төрағасы В.В. Ставкиннің, Мемлекеттік материалдық резервтер комитеті мен «Резерв» РМК, сондай-ақ Өнеркәсіптік қауіпсіздік комитеті мен оның аумақтық департаменттері жұмыскерлерінің қатысуымен семинар-кеңес өткізілді.
Семинар-кеңес барысында Ж.Ж. Жылқышиева Қазақстан Республикасының 2022-2026 жылдарға арналған сыбайлас жемқорлыққа қарсы саясат тұжырымдамасының негізгі ережелерін егжей-тегжейлі түсіндірді, сыбайлас жемқорлыққа қарсы заңнамадағы соңғы өзгерістер туралы, сондай-ақ «Integrity check» парасаттылығын тексеру әдісін іске асыру туралы айтты.
Семинарға қатысушылар кірістер мен мүлікті жалпыға бірдей декларациялауға, белгісіз тұлғалардың жеке шотына ақша қаражатын аудару жағдайына, сондай-ақ қарамағындағылардың сыбайлас жемқорлық құқық бұзушылықтар жасағаны үшін басшылардың дербес жауапкершілігіне қатысты мәселелерді талқылады.
Семинар қорытындысы бойынша мынадай ұсыныстар берілді:
- «Сыбайлас жемқорлыққа қарсы іс-қимыл туралы» Қазақстан Республикасы заңнамасының, Қазақстан Республикасы мемлекеттік қызметшілерінің Әдеп кодексінің нормалары мен қағидаттарын тұрақты негізде сақтау;
- заңда тәртіптік, әкімшілік не қылмыстық жауапкершілік көзделген теріс қылықтар мен өзге де құқық бұзушылықтар жасауға жол бермеу, сондай-ақ, семинарға қатысушылар сыбайлас жемқорлыққа қарсы тақырыпта бейнеролик көрді.

Категория: Жаңалықтар

Опубликовано: 15 Сентябрь 2023

Обновлено: 15 Сентябрь 2023

Создано: 15 Сентябрь 2023

Просмотров: 767

2023 жылғы 15 қыркүйекте «Резерв» РМК орталық аппаратында және оның 10 филиалында «Отбасы күні» мерекесіне орай спартакиада өткізілді.
«Отбасы – әр адамның өміріндегі ең асылы. Біз отбасында сүйіспеншілікті, жауапкершілікті, қамқорлықты, сыйластықты үйренеміз. Бүгінгі іс-шара отбасылық командалар сайысы болып табылады және ол өз отбасына деген мақтаныш сезімін тәрбиелеуге, отбасылық қарым-қатынастардың оң тәжірибесін қалыптастыруға, бірлескен шығармашылық қызметке ұмтылуға, балалар мен ересектердің өзара түсіністігіне ықпал етуге бағытталған»,-деп «Резерв» РМК Бас директорының орынбасары, әділқазылар алқасының төрағасы Мұхит Түменбаев құттықтау сөз сөйлеп, барлық қатысушыларға сәттілік тіледі.
6 команда өздерін таныстырып, белсенді қатысып, түрлі қызықты тапсырмаларды орындады. 1-орын – бухгалтерлік есеп басқармасының «Сұңқар» командасы, 2-орын – технолог мамандарының «Смайлики» командасы, 3-орын материалдық техникалық қамтамасыз ету маманы мен күзет саласының маманы «Капитоша» командасы иеленді. Қатысқан әр 6 командаға ақшалай жүлде сыйлықтары табысталды.
Спартакиада «Резерв» РМК Кадр қызметі басқармасының және «Резерв» РМК жұмыскерлерінің кәсіподағы» ҚБ басшылығымен өткізілді. Осылайша, кәсіподақ ұйымы «Резерв» РМК орталық аппараты мен филиалдарынан жарысқа қатысушылардың барлығына ақша қаражатын бөлді.