2017 жылғы 28 қыркүйекте ҚР Қорғаныс және аэроғарыш өнеркәсібі министрлігі Мемлекеттік материалдық резервтер комитеті «Резерв» республикалық мемлекеттік кәсіпорнында «2011-2020 жылдарға арналған тілдерді қолдану мен дамытудың мемлекеттік бағдарламасын» жүзеге асыру мақсатында және Қазақстан халқы тілдер күні аясында қызметкерлерге дәріс өткізілді. Қазіргі кезде қоғамда қызу талқыланып жатқан латын графикасындағы әліпбидің бірыңғай стандарттарын енгізу мәселесіне қатысты Ш. Шаяхметов атындағы республикалық тілдерді дамытудың үйлестіру-әдістемелік орталығы РМҚК ақпараттық талдау бөлімінің бастығы, Тіл әлемі порталының редакторы Мөлдір Бақытқызы дәріс оқыды.

Бүгінгі күннің өзекті тақырыбына қызметкерлер өз пікірлері мен ұсыныстарын білдірді.

«Резерв» РМК Кадр жұмысы, мемлекеттік тіл және құжат айналымы басқармасының бастығы Ж. Сақаева дәріскерге ұжым атынан алғыс білдірді және рухани құндылықтарды арттыратын осындай іс-шаралардың маңызын атап өтті.