21 қарашада құрылымдық бөлімшелердің қатысуымен Жедел басқару орталығын дамыту және ұйымдастырушылық-функционалдық процестерді жетілдіру мәселелеріне арналған жұмыс кеңесі өтті. Кеңеске салаға қатысты қызметтердің басшылары мен өкілдері қатысты.

Талқылау барысында негізгі назар құрылымдық бөлімшелердің төтенше жағдайлар, өндірістік-техникалық оқиғалар және өзге де штаттан тыс жағдайлар туындаған кезде атқаратын міндеттерін реттейтін қажетті құжаттарды әзірлеуге бағытталды. Нормативтік базаны уақытылы жаңарту және қолданыстағы талаптарға сәйкестендірудің маңыздылығы атап өтілді.

Кеңесте Жедел басқару орталығын әрі қарай дамыту мәселесіне ерекше көңіл бөлінді. Технологиялық инфрақұрылымды жаңғырту, бөлімшелер арасындағы өзара іс-қимылдың тиімділігін арттыру, жедел ақпаратты жинау, талдау және беру процестерін оңтайландыру бағыттары қарастырылды. Орталықтың функционалдық мүмкіндіктерін күшейту және жедел басқару сапасын арттыру бойынша негізгі міндеттер айқындалды.

Кеңес қорытындысы бойынша жауапты бөлімшелерге нақты тапсырмалар берілді. Жұмыс аясында дайындалған құжаттар мен ұсыныстар Жедел басқару орталығын дамыту жөніндегі іс-шаралар жоспарына енгізілетін болады.